DO-GHAZLA JO KHWAAB MEIN WARID HUA…..MUSLIM SALEEM

KAHEEN SAY DEKHO BADALTI NAHEEN JIHAAT-E-WUJOOD
HAZAAR AAINAY HAIN AUR EK ZAAT-E-WUJOOD
NA IKHTITAAM HAI IS KA NA INTIHAA KOI
AZAL SAY JAARI-O-SAARI HAI KAAINAAT-E-WUJOOD
JO EK BAAR BANAA PHIR WO MIT NAHEEN SAKTA
BADALTI REHTI HAIN ASHKAL-O-MAAHIYAAT-E-WUJOOD
KTAAB-E-JUMBISH-O-HARKAT FAZAA MAIN HAI MAUJOOD
WARAQ WARAQ PAY RAQAM HAIN NIGAARISHAAT-E-WUJOOD
WUJOOD HI SAY TO ABAAD HAI JAHAN-E-ADAM
HAI EK PARDA JO HAI WAQFA-E-MAMAAT-E-WUJOOD
BAQAA-E-CHASMA-E-INSANIYAT HUSSAIN SAY HAI
BA-FAIZ-E-TASHNA LABAAN HAI RAWAAN FIRAAT-E-WUJOOD
+++++++++++++++++++++++++++++++++++++++++++++
NA EHTIYAAT-O-TAKALLUF NA INZIBAAT-E-WUJOOD
WUFOOR-E-JAZB AGAR HO TO HAI NISHAAT-E-WUJOOD
HAR EK KHALQ KO BAKHAA GAYAWUJOOD-E-MAHAZ
WO HUM HAIN JINKO MILAA KAIF-O-IMBISAAT-E-WUJOOD
JO HAI WUJOOD, WAHI KHAALIQ-E-WUJOOD BHI HAI
BICHHAATA REHTA HAI HAR DUM NAYEE BISAAT-E-WUJOOD
KHUD APNAY AAP HI IBN-E-SABEEL BHATKA HAI
WAGARNA SEEDHI THI AUR AB BHAI HAI SIRAAT-E-WUJOOD

TRANSLATION
DIMENSIONS OF EXISTENCE DO NOT CHANGE FROM WHERE YOU SEE THEM
REFLECTION OF EXISTENCE IS SEEN IN THOUSANDS OF MIRRORS
THERE WAS NEITHER BEGINNING, NOR THERE WILL BE END OF IT
EXISTENCE IS THERE FROM ETERNITY
ONE THAT COMES INTO BEING IS NEVER FULLY DESTROYED
ONLY THE SHAPES OF EXISTENCE KEEP CHANGING
THE BOOK OF MOVEMENTS IS PRESENT IN THE AIR
ON ITS EACH PAGE DEEDS OF EXISTENCE ARE WRITTEN
IT IS EXISTENCE WHICH IS THERE IN THE WORLD OF NO-EXISTENCE
PERIOD OF DEATH IS ONLY A CURTAIN
STREAM OF HUMANITY IS ALIVE DUE TO HUSSAIN
IT ISS DUE TO THOSE THIRSTY PEOPLE THAT FIRAAT (RIVER) OF EXISTENCE IS FLOWING
++++++++++++++++++++++++++++++++++
THERE IS NO NEED OF PRUDENCE AND SELF-RESTRAINT OF EXISTENCE
THE REAL BLISS FOR EXISTENCE IS WHEN IT MERGES WITH BELOVED
EVERY BEING HAS BEEN GIVEN MERE EXISTENCE
IT IS WE WHO HAVE BEEN GIVEN BLISS AND HAPPINESS OF EXISTENCE
IT IS ‘THE EXISTENCE’ WHO IS CREATOR OF EXISTENCE
HE KEEPS CREATING NEW EXISTENCE EVERY MOVEMENT
(“KULLA YAUMIN HUA FEE SHA’AN)
IT IS TRAVELLER WHO HAS  HIMSELF STRAYED
OTHERWISE, PATH OF EXISTENCE WAS STRAIGHT AND WILL REMAINS TRAIGHT
(QURAN-E-KAREEM HAS DESCRIBED TRAVELLER AS IBNUS SABEELMEANING “SON OF PATH”. IT IS FOR THE FIRST TIME THAT THIS TERM HAS BEEN USED INURDU POETRY AND THAT TOO IN THE STATE OF DREAM)

FACEBOOK

Zaree Ahmad ki graphics ko dekh kar fil badeeh online ashar: Muslim Saleem

DIL DUKHATA HAI KYA KOI GHAM JI?
CHASHM KYOON AAP KI HAI PUR-NAM JI?
BHEED HAI DIL MAIN AAJ YAADON KI.
KYOON KE EK YAAD KA HAI MAATAM JI
BAKHSH DEEJAY KHATAAE-N AASI KI
AAP KYOON IS QADAR HAIN BARHAM JI?
KUCHH DINON KI BAHAAR THI MUSLIM
AA GAYA PHIR KHAZAAN KA MAUSAM JI

Tributes to Muslim Saleem by other poets

DR. AHMAD ALI BARQI AZMI, NEW DELHI, INDIA

WAQT KI AAWAZ HAIN MUSLIM SALEEM

SHAAIR-E-MUMTAZ HAIN MUSLIM SALEEM

JAAN-FAZA HAI UNKA MEYARI KALAAM

SAHIB-E-AIJAZ HAIN MUSLIM SALEEM

Muslim Saleem – ek naatiya sher

FARSH TAA ARSH YEH INA’AM BHALA KYA KAM HAI

MAIN GHULAAM-E-SHAH-E-BATHAA HOON MUJHAY KYA GHAM HAI

 فرش تا عرش یہ انعام بھلا کیا کم ہے
میں غلامِ شہہِ بطحیٰ ہوں مجھے کیا غم ہے

 (GRAPHICS BY A WELL WISHER)

MUSLIM SALEEM - QATA - JULY 9, 2013

PHISLAA JO MERAY  HAATH SE WO DAST-E-HINAAI.
EK WADA-E-FARDA BHI KIYA WAQT-E-JUDAAI
US NE YEH KAHA TUM KO BAHUT YAAD KARENGE
PHIR YOON BHI HUA US KO MERI YAAD NA AYEE

Muslim Saleem - qata - tum ek khushi ho...

TUM EK KIRAN HO JO SHAME'N JALAYE REHTI HAI
TUM EK KHUSHI HO JO DIL ME'N SAMAYE REHTI HAI
PATAA HAI KHOOB YE MUSLIM KE DUSHMAN-E-JAAN HO
YE JAAN TUMHEEN SE MAGAR LAU LAGAYE REHTI HAI

(Graphics by a well wisher with thanks)

Muslim Saleem - ek sher - July 8, 2013

HAATH SE MERAY TUMHARA HAATH AB CHHOOTE NAHEEN
JO TA'ALLUQ BAN GAYA HAI WOH KABHI TOOTE NAHEEN

Ek sher (with graphics drawn by a well wisher. Pl hail graphics)

Woh naa badnaam ho kaheen Muslim, bus yahi fikr mujh pe bhaari hai

Us ki khaatir gurez hai us say, dil pe yeh jabr ikhtiyaari hai

Muslim Saleem – ek qata – July 7, 2013

PEHLE TO USE HASEE’N KE KHAYALO’N ME’N GUM RAHA
PHIR US KAY BAAD SAB KE SAWALO’N ME’N GUM RAHA
TASHBEEH KIS SAY DOO’N, USAY KAISE BAYAA’N KAROON
BE-MISL DILRUBA KI MISAALO’N ME’N GUM RAHA

Muslim Saleem - ghazal - July 6, 2013

Woh naa badnaam ho kaheen Muslim, bus yahi fikr mujh pebhaari hai
Us ki khaatir gurez hai us say, dil pe yeh jabr ikhtiyaarihai

Karte hain hum pe woh karam pe karam, silsila faiz ka yehjaari hai
shukriye ko bhi man’a karte hain, yeh ada aur unki pyaarihai

yeh hai panchhi khuli hawaaon ka, is pe kis ki ijaara-daarihai
aap ka jism ghair ka ho magar, aap ki yaad to hamaari hai

aaj se jog le liya hum ne, tum ho devi yeh dil pujaari hai
jo mataa-e-sukhan hamaari hai, aaj se sub woh bus tumhaarihai

nasshe kafoor saare ho jayen, saare maikhane band ho jayen
sar se lekin naheen utarti yeh, ishq ki bhi ajab khumaarihai

MUSLIM SALEEM – GHAZAL – JULY 4, 2013

JAAN-O-DIL APNE HAIN SADQE US MUNAWWAR KHWAB KE

JAAGTI AANKHON MEN REHNE DO WO MANZAR KHWAB KE

******************************************************** *

KHWAB KI JAANIB CHALE PAIGHAM LEKER KHWAB KE

YOON UDAY DIL KI MUNDERON SE KABOOTAR KHWAB KE

*********************************** *********************

RAAT BHAR CHUNTE HAIN AKSAR LAAL-O-GAUHAR KHWAB KE

SUBHADAM ROTE HAIN HUM TUKDE UTHHA KAR KHWAB KE

*********************************** *********************

KAUN DETA WARNA AANHON KE CHHALAWON PAR DHAYAN

AAP KE AANE SE JAAGE HAIN MUQADDAR KHWAB KE

*********************************** *********************

ZINDAGI MEN ITNI TALKHI SEH NA PAATE HAM KABHI

YEH TO ACHHA HAI KE SAB THAY TEER-O-NASHTAR KHWAB KE

*********************************** *********************

AANKH KHULTE HI HAQEEQAT KI HUAY KAFOOR SAB

TASHNAGI KAISE BUJHA PAATE SAMANDAR KHWAB KE

*********************************** *********************

ZINDAGI MUSLIM KI PHIR SHARMINDA-E-FIRDAUS HO

KASH HO JAYE HAQEEQAT BHI BARAABAR KHWAB KE

 

MUSLIM SALEEM – DO TARHI SEH-GHAZLE

(1)
Waqt ne jab kisi zaalim ko hukoomat di hai
Mujhko  haalaat ne lehje mein baghawat di hai
Jazba-o-josh-e-sadaqatne ye hiddat di hai
Aanch alfaz men, izhar mein shiddat di hai
Pesh qadmiki tawaqqo thi bahut, dushman ko
Han ne  paspaai ke harbe se hazeemat di hai
Kucch tokaam aa gaya  aakhir ko mira pagal-pan
Mujh ko  patthar diye lekin tajhe shuhrat di hai
Wo lutaata hai  bahut uns-o-wafa logon par
Rab ne  daulat dil-e-Muslim ko bakasrat di hai
·       ** * * * * * * * * *  * * * * * * * * * ** * * * * *
Bar mahal sheron mein alfaaz ki san’at di hai
Mujh ko parwaz-e-takhayyul ne ye hirfat di hai
Aap Urdu ke mukhalif hain magar sach yeh hai
Aap ke lehje ko Urdu na halaawat di hai
Mulk ko is ne hi tahzeeb sikhai hai nayee
Jis pe naazaan hain Sabhi aisi saqafat di hai
Dushmanon ko bhi bhagaane men madadgaar hui
Jang-e-azadi ke naron ko bhi taqat di hai
Naaz Muslim ko hai Urdu pe ke sab se pehle
Khitta-e-Hind ko is ne hi sahafat di hai.
·       ** * * * * * * * * * * * * * * * * * * * * ** * * * ** * * * *
Shukr kar rab ka ke deedar ki jannat di hai
“Dekhne ko teri aankhon mein basaarat di hai
Yaar uthh kar na chalaa jaye kaheen pehloo se
Is liye baat ko kucch aur tawaalat di hai
Sharm se hont sile hain ye pata hai hamko
Ham ne kab aap ko izhaar ki zahmat di hai
Jo jazar bhar ke use dekhe gaa jal jaayega
Uske chehre ne to Sooraj ko tamazat di hai
Jab habut bol chukka wo to ye Muslim se kaha
Shukr hai rab ka ke kam-goi ki aadat di hai.
(2)
Sochiye kis ne ye sailaab ki aafat di hai
In hawaadis ko khud insaan ne Dawat di hai
Hashr hoga yahi fitrat se agar kheloge
Uttarakhand meN qudrat ne naseehat di hai
Apne aamaal se too us ko jahannam na banaa
Tujh ko Allah ne kuhsaar ki jannat di hai
Daali-daali ko wahaan us ne samara-baar kiya
Sabza-o-gul ki saughaat nihayat di hai
Kuchh ziyadaa naheen itnaa hi kahe gaa Muslim
Us ko zahmat na banaa-o ke jo rahmat di hai
***************************** ****************
Us haseeN pal meN teri yaad ko Dawat di hai
Jab bhi ham ko kabhi haalaat ne muhlat di hai
Gosha-e-qalb men bas jaane ki Dawat di hai
Aaj un aankhon ne hum ko ye ijaazat di hai
Umr bhar ishq ne masroof rakha hai hum ko
Aazmane ki liye husn ko fursat di hai
Baat jab nikli hai zaalim ki sanaa-khwani ki
Hum ne chup reh ki bhi dunyaa ko naseehat di hai
Dekhta hai wo jidhar too hi nazar aata hai
Chashm-e-Muslim ko yeh ulfat ne karaamat di hai
********************** ****************
Naat-goi ki is aajiz ko sa’adat di hi
Yaani duniya hi meN tahreek-e-shafa’at di hai
Azmat Islam ko aur kufr ko la’nat di hi
Ek bande ne kuchh is tarha shahadat di hai
Sab se achhi hain ibadaat durood aur salaam
In ibadaat ne jannatki zamaanat di hai
Qabile-e-rashk hain woh log jinheN duniya meN
Aalam-e-khwab meN Aaqa ne Bashaarat di hai
Loot le aaj too rahmat ke khazaane Muslim
Aaj Allah ne taufeeq-e-nadaamat di hai

Muslim Saleem – Ek qata

Aaj sandooq se daireena zamane nikle

Diary kholi to yaadoN ke khazane nikle

Aise maazi ki phuaroN meN sharabore huey

Jaise bachcha koi baarish meN nahane nikle