Nashtar Khairabadi – ghazal – jaan sambhali na gayee

غزل

 نشتر خیرابادی

جِس کے دِل  پر یہ لگی جان سنبھالی نہ گئی

چشِم جاناں  کبھی گولی تِری خالی  نہ گئی

نام دُنیا   میں  مُحبّت کا   نِکا لا  میں نے

آپ سے ایک تمنّا بھی نِکالی    نہ گئی

 خونِ نا حق کا  اثر اِس سے سِوا کیا ہوگا

قتل  کرکے  بھی تِری آنکھ کی لالی نہ گئی

 بِجلیاں   سُوے   قفس آیئں گیئں سو سو بار

بننے  کو   شاخِ قفس پھو لوں کی ڈالی  نہ گئی

 رات دِن زُلفِ پر یشاں کا تصوّر ہے  تجھے

ہائے نشتر  تِری آ شفتہ خیالی نہ گئی